C の 世界

只係話Geass增大到咁上下就可以傳承CODE，而唔代表傳承CODE就係契約內容，就好似V.V.同シャルル講契約內容係「殺神」。
所以C.C.既真正願望應該係真愛，即係C.C.同ルルーシュ講話想死係ツンデレ，因為上集ルルーシュ話要消滅Geass，令C.C.覺得留下來只會令ルルーシュ更痛苦。如果ルルーシュ做唔到搶奪CODE，C.C.就唯有不甘心咁益左シャルル。
同樣道理，C.C.、シャルル搶奪CODE，可能就係代表契約根本冇完成，不死宿命只能傳承下去。而ルルーシュ就選擇向CODE宿命作出反逆，結果先至能夠完成契約。

TURN 07開頭シャルル講過倫理道德果d都係大話，「神」大概係指世人相信會有某d規律、報應之類，由超自然維護道理令自己安心。而シャルル就要令世人明白道理根本係自欺欺人，人人都係自私自利既生物。
所以シャルル同ルルーシュ講你唔駛再講保護ナナリー等等大話，「你等於我」即係大家人人諗法一樣，我シャルル知道你ルルーシュ都係自私生物咋嘛。而ルルーシュ最後就領悟出C.C.既難言之隱，用真愛完成契約，變相否定シャルル果套講法。
C.C.所講既真愛，シャーリー所講既寬恕，ルルーシュ所講既「心的力量」等等，其實都係指人與人之間係可以達成諒解、合作。亦即係ルルーシュ最後既戰鬥，就係睇佢背負住以前積落咁多罪孽、十字架，係咪都仍然堅持到「心的力量」，定抑或只係做返シャルル所講既自私自利大魔王。